طريقة حساب الوحدات السمادية لجميع النباتات.. تعرف عليها

فى مصر العناصر اللى قلنا عليها مش بتكون فى صورها الخام 
يعنى مش يتلاقى فى السوق مثلا مغنسيوم بس لا بيكون على هيئة اكسيد مغنسيوم
لازم يكون مع حاجة تانية . مرتبط يعنى او ماشى مع حاجة
يعنى مرة هتلاقية ماشى مع مجموعة سلفات فيقولوا له سلفات المغنسيوم
او ماشى مع نترات فيقولو له نترات مغنسيوم
وهكذا كل العناصر متمشيش فاضية 
لازم ترتبط بحاجة
اما بيجوا يحسبوا الوحدات للعناصر دى فى المنتج التجارى فيقولك مثلا
نترات النشادر   33% ازوت.  يعنى كل 100 كيلو نترات نشادر  فيهم 33 وحده ازوت
يعنى كل 3 كيلو نترات نشادر فيهم وحدة تقريبا نيتروجين اللى هو بردو الازوت
مثلا الماب (مونو امونيوم فوسفات) يحتوى تقريبا على 12% نيتروجين و50% فوسفور
معنى كده ايه
كل 100 كيلو ماب فيهم 50 وحده او كيلو فوسفور و12 كيلو او وحدة نيتروجين
لكن لحظه
غالبية العناصر دى بتوجد على هيئة اوكسيد ما عدا النيتروجين
يعنى اية
يعنى البوتاسيوم  K  موجود على شكل K2O
الفوسفور P               بشكل P2O5
المغنسيوم. Mg   بشكلMgO
الكالسيوم. Ca    بشكل CaO
الكبريت.  S   بشكلSO3
معنى كدة اننا بنحسب الوحدات على اساس اوكسيد العنصر مش العنصر
هاقولك دى حقيقة لكن فى مصر ودول اخرى
لكن هناك دول بنقوم بحساب الوحدة كوحدة من العنصر الخام
طيب اقدر احول الاوكسيد لعنصر خام ازاى
ركز بقة فى الشوية دول 
على اى منتج بيكتب لك تركيز العنصر 
مثال سلفات البوتاسيوم مثلا.  فيها 50% K2O         و 14.4% SO3
معنى كده ان كل 100 كيلو سلفات بوتاسيوم فيهم 50 وحدة بوتاسيوم و 14.4 وحدة كبريت.      بالحسابات المصرية
طيب بحسابات الدول التانية تبقى كام
دى لها معامل ثابت لكل عنصر
فى الصورة المرفقة مع البوست
يعنى مع المثال بتاعنا هيكون الحساب كالتالى
50 وحدة بوتاسيوم *0.83 (ثابت)=41.5. وحدة عنصر بوتاسيوم خامK
14.4 وحدة كبريت*0.40(ثابت) =5.76 وحدة كبريت S
انا عارف ان البوست ده مكلكع شوية 
وفية شوية لخبطة
لكن انت يهمك انك تعرف ازاى تحسب وحداتك من التسميد بمعلومية نسبة العنصر او اوكسيدة
* ناشط زراعي