حملة إرشادية من ”ڨيت مديكا” بعنوان: ”يوميات مربي دواجن ـ شتاء 2020”

نجح قطاع "ڨيت مديكا" أحد قطاعات الشركة الدولية للتبادل التجاري الحر IFT، في تصميم حملة فنية إرشادية لمربي الدواجن، مخصصة لشتاء 2020، وتفيدهم في كيفية تجهيز العنابر بعد آخر يوم من إخلائها من دورة تسمين سابقة، وذلك لاستقبال الكتاكيت في بيئة سالمة، خالية من المسببات المرضية.

وقال خبراء قطاع "ڨيت مديكا"، إن الحملة تفيد في التربية السليمة لقطعان التسمين بأمان, وتبدأ هذه الحلقات بالتطهير في عدة حلقات أيضا، فإلى الحلقة الأولى:

انهارده بعد بيع آخر فرخة عندنا في العنبر وعايزين ربنا يكرمنا الدورة اللي جاية
هنبتدي أول خطوات تطهير العنبر باحترافية
أول حاجة هنعملها بعد رفع المعدات
والفرشة لسه سخنة
هنرش المبيد الحشري

والرش بعد خروج الفراخ مباشرة ليه سبب..
إن طول ما العنبر سخن والفرشة سخنة الحشرات هتنتشر ومش هتدخل الجحور فهتقدر توصل لها بالمبيد الحشري وتوصل لنتيجة كويسة في القضاء عليها

خطورة الحشرات زي السوس والخنافس
إنها بتكون حاملة لكتير من الميكروبات وعلى رأسها فيروس الجمبورو
فلو قضيت على الحشرات والسوس في العنبر هتكون حليت نسبة كبيرة من المشكلة والحمل الوبائي
اتأكد انك رشيت الفرشة كلها بالتركيز الموصى بيه ورشيت السِّمل والجزء السفلي من العمدان والحوائط بارتفاع متر ونص
بعد ما نرش هنقفل عنبرنا كويس جدا لحد تاني يوم عشان ندي فرصة للمبيد الحشري انه يشتغل

اشرب شاي واتدفى كدا الجو اليومين دول بيبرد بالليل
والحق ناملك شويه لحد بكره ... احنا لسه بنسخن

نتقابل البوست الجاي في
يوميات مربي دواجن
شتاء 2020