”فرد النشارة” والتطهير بـ ”ڨيركون إس” .. الخطوة السابعة من حملة ”ڨيت مديكا” .. ”يوميات مربي دواجن ـ شتاء 2020”

نجح قطاع "ڨيت مديكا" أحد قطاعات الشركة الدولية للتبادل التجاري الحر IFT، في تصميم حملة فنية إرشادية لمربي الدواجن، مخصصة لشتاء 2020، وتفيدهم في كيفية تجهيز العنابر بعد آخر يوم من إخلائها من دورة تسمين سابقة، وذلك لاستقبال الكتاكيت في بيئة سالمة، خالية من المسببات المرضية.

وقال خبراء قطاع "ڨيت مديكا"، إن الحملة تفيد في التربية السليمة لقطعان التسمين بأمان, وتبدأ هذه الحلقات بالتطهير في عدة حلقات أيضا، فإلى الحلقة السابعة من التطهير:

ندخل عنبرنا و نستمتع بيه و هو مغسول و متطهر و ريحة الفيركون في كل حتة ... تحس ان العنبر فرحان و بيضحك كدا و مستنيك تستلم الكتاكيت

يفضل و انت بتستلم النشارة تاخد عينة منها الأول تبص عليها من حيث الرطوبة و انها ماتكونش معظمها تراب و وزن البالة أو الشيكارة نفسها خفيف
و لما تطلعها العنبر تنزلها على شكل أكوام و بعد كدا تفردها براحتك

ناخد بالنا و احنا بنفرد الفرشة من الحاجات دي:
- يفضل تفرد العنبر كله مرة واحدة عشان ماتتزنقش و انت بتوسع
- تعمل حسابك في نشارة احتياطي هتوديها مخزن النشارة عشان تدعم بيها بعد كدا في البلل و الغرايق و هنقول هنعمل فيها ايه
- نشيل من النشارة اي مواد حادة زي المسامير و قطع الخشب عشان ماتعورش رجل الكتاكيت و تسبب حالات عرج
- على قد مانقدر نخلي سمك الفرشة مايزيدش عن الحد المسموح و ده عشان الفرشة يدخلها هواء باستمرار و نمنع نمو البكتيريا اللا هوائية (الكلوستريديا) في الفرشة و كمان عشان أي غرقة أو بلل في العنبر تقدر تغيره بسهولة
- بينك و بين نفسك و انت بتفرد النشارة خد عهد على نفسك انك مش هتسيبها ترطب أو يظهر فيها بلل ولا جلف عشان ماتزودش الأمونيا و ندخل في متاهات و احنا بنربي
- يفضل فى الفرشة تكون نشارة خشب لقدرتها على امتصاص المياه و الرطوبة, و لو ماقدرتش تجيب نشارة مفيش مشاكل بس عينك على الفرشة أثناء التربية
- بعد ما نخلص فرد النشارة هنرش فيركون اس بمعدل اضافة 10جم/ لتر الماء على النشارة و حسبتها بسيطة
مثال: عنبر طوله 100 متر و عرضه 14 متر
كمية المياه اللازمة لتطهير الفرشة (الطول×العرض) ÷ 4
100×14 ÷ 4 = لتر 350
معدل اضافة 10 جم/ لتر الماء
350لتر × 10 جم (معدل الاضافة) = 3.5 كجم للعنبر
و ماتقلقش لو المياه كتير, هتكون ممتازة في رفع الرطوبة لما تيجي تسخن العنبر
- النشارة الزيادة اللي وديناها مخزن النشارة هتتعامل نفس المعاملة في التطهير

- حجازة التحضين
تعالوا نتفق على حاجة ,, من غير ما نفكر كتير من دلوقتي أي حاجة هتدخل المزرعة لازم تكون متطهرة كويس جدا عشان مانضيعش اللي احنا عملناه,, يعني حجازة التحضين تديها تطهيرة فيركون قبل دخولها العنبر
هنركب حجازة التحضين و نخليها على تلت العنبر عشان مانستهلكش سولار أو غاز كتير في الأول و اتأكد ان الحجازة مقفلة كويس عشان ماتخرجش كتاكيت لما تيجي تستلم

اليوم خلص انهارده,, نخلي بالنا عشان الأرصاد الجوية اعلنت ان في حالة من عدم الاستقرار و في احتمال لسقوط الأمطار ,, و دا معناه ان احنا نخلي بالنا لو هنستلم علف اليومين دول نتأكد ان عربية العلف متغطية بمشمع من فوق و نخزن العلف في مكان بعيد عن وصول المياه لو الدنيا مطرت

نتقابل البوست الجاي في
يوميات مربي دواجن
شتاء 2020