”عمر يوم واحد” .. الخطوة 12 من حملة ”ڨيت مديكا”.. يوميات مربي دواجن ـ شتاء 2020

نجح قطاع "ڨيت مديكا" أحد قطاعات الشركة الدولية للتبادل التجاري الحر IFT، في تصميم حملة فنية إرشادية لمربي الدواجن، مخصصة لشتاء 2020، وتفيدهم في كيفية تجهيز العنابر بعد آخر يوم من إخلائها من دورة تسمين سابقة، وذلك لاستقبال الكتاكيت في بيئة سالمة، خالية من المسببات المرضية.

وقال خبراء قطاع "ڨيت مديكا"، إن الحملة تفيد في التربية السليمة لقطعان التسمين بأمان, وتبدأ هذه الحلقات بالتطهير في عدة حلقات أيضا، فإلى الحلقة الثانية عشرة، وهي "عمر يوم واحد":

استلمنا الكتاكيت و عايزين نتابع مع بعض كل يوم هنعمل ايه و نركز على ايه في مزرعتنا,, في كل اليوميات اللي جاية هنلاقي متوسط استهلاكات المياه و العلف و درجة حرارة العنبر و معلومة قوية من #ڨيت_ميديكا.

أول حاجة نعملها كل يوم و احنا نازلين نتابع العنابر هي متابعة الأمن الحيوي و هنأكد على دا في اليوميات كل يوم

و بلاش مع زحمة الشغل ننساه لأن أمن مزرعتك الحيوي هو حائط الصد الأول ضد جميع المسببات المرضية

نركز على ايه ؟

طبعا احنا على اتفاقنا ان أي حاجة تدخل المزرعة سواء معدات, انابيب, عربيات أو أشخاص لازم تتطهر و #ڨيركون_اس هو أفضل و أسرع و أقوى مطهر يقوم معانا بالدور دا و خصوصا اليومين دول في فترة الشتاء بمعدل اضافة 10 جم / لتر الماء

لازم تكون صارم في الأمن الحيوي و تنبه على كل الناس في المزرعة

1- منع الزيارات للمزرعة الا للضرورة القصوى و اللي داخل يكون ليه لبس مخصص و يستحمى و يسيب هدومه و متعلقاته عالبوابة,, ماترضيش حد على حساب فراخك.

2- متابعة مغطس السيارات يكون دايما جاهز و مليان #فارمفلويداس (أقوى مطهر في السوق لمغاطس الأقدام و السيارات) بمعدل اضافة 5سم/لتر الماء

3- نلف حوالين العنابر مايكونش في علف أو مياه واقعين عالأرض عشان دا اول طريق الطيور البرية انها تعشش في مزرعتك و تنقللك الاصابات

4- متابعة احواض الاقدام امام العنابر انها مليانة فارم فلويد و مساقي اليود امام العنابر لغسيل الايدي (#بيوسيد30 بمعدل اضافة 5سم/لتر الماء) و الأهم من كدا تطبيق الأمن الحيوي

5- التأكد من لبس العمال للافارولات و الابوات يعني لازم يكون في لبس مخصص للعنابر

6- لم النفق اولا باول و تسجيله و التخلص منه بالشكل الآمن (الدفن أو الحرق)

نتابع عنابرنا بقا..... و احنا داخلين نغطس رجلينا في "فارم فلويد" و نغسل ايدينا ب "بيوسيد30" و نستنى دقيقتين و ندخل نتابع العنبر

- متابعة الحرارة و الرطوبة و انتشار الكتاكيت في الحضانة:

متابعة الحرارة في كل جزء في الحضانة ...انهارده 32

الرطوبة زي ما اتفقنا من 60 الى 70 %

توزيع الكتاكيت داخل الحضانة بيدينا دلالة ان احنا ماشيين صح يعني ولا الاقيهم متجمعين فوق بعض و عاملين تكتلات (درجة حرارة منخفضة) ولا الاقيهم بعيد عن الدفايات (درجة حرارة مرتفعة)

- متابعة الماء و العلف و سقوة #أڨيبوست_تونيك

يوميا غسيل مساقي التحضين بماء أبيض بدون صابون او مطهرات قبل تغيير السقوات و ذلك لتقليل الحمل البكتيري في العنبر و عدم تكوين طبقة مواد عضوية

ننزل جرعة "أڨيبوست تونيك" 8 ساعات بمعدل اضافة 2سم/لتر ماء الشرب عشان نضمن فترة تحضين ناجحة و بداية قوية للكتكوت و جرعة "أڨيبوست تونيك" مكملة معانا لمدة 5 أيام

هز أطباق العلف نطلع منها النشارة و تزويد العلف في الأطباق و على الكرتون

** رابط "أڨيبوست تونيك" في أول كومنت

متابعة تيارات الهواء :

في العنابر المجهزة يفضل نستخدام التهوية العرضية في الاعمار الاولى عشان نقلل تيارات الهواء

و في حالة العنابر المفتوحة التهوية الطبيعية نسبع جزء صغير من الشبابيك القبلي و البحري لتغيير الهواء و منع حدوث تيارات هواء..... مفيش حاجة اسمها اقفل الشبابيك اول اسبوع

و هنتكلم في بوست قدام عن التهوية في العنابر

#اختبارامتلاءالحوصلة:

بعد ما نطمن ان الحرارة و الرطوبة و التهوية مظبوطين نعمل اختبار الحوصلة

الهدف منه: ان احنا نعرف ان الكتاكيت بتاكل و بتشرب و دا مؤشر على الحيوية و كمان مؤشر على جو العنبر و نكون متطمنين على النمو الصحيح للكتاكيت

ازاي نعمله؟

بنجيب عينة عشوائية من 3 الى 4 اماكن في الحضانة كل عينة من 30 الى 40 كتكوت و نمسك حوصلة كتكوت كتكوت و نتأكد انها مليانة و ملمسها عجيني ناعم (يعني فيها مياه و علف)

لو الحوصلة محجرة معناه ان المياه مش كافية أو حباية العلف كبيرة عن اللزوم

لو الحوصلة فيها مياه بس معناه انك محتاج تزود مساحة التعليف

لو فاضية نراجع درجات حرارتنا و الرطوبة و تيارات الهواء

الاختبار دا بنعمله 5 مرات خلال يومين من الاستلام كالتالي

- بعد استلام الكتاكيت بساعتين .. النسبة المثلى 75% ممتلئة الحوصلة

- بعد 8 ساعات النسبة 80% حوصلة ممتلئة

- بعد 12 ساعة النسبة 85% حوصلة ممتلئة

- بعد 24 ساعة النسبة 95% حوصلة ممتلئة

- بعد 48 ساعة 100 % حوصلة ممتلئة

ناخد بالنا واحنا ماشيين في وسط الكتاكيت نحاول مانرفعش رجلينا من ع الارض و نمشي بالراحة عشان ماندوسش على كتكوت خسارة احنا أولى بيه

نتقابل البوست الجاي في

يوميات مربي دواجن

شتاء 2020 مع ڨيت ميديكا