”عمر 4 يوم” .. الخطوة 15 من حملة ”ڨيت مديكا” .. يوميات مربي دواجن ـ شتاء 2020

نجح قطاع "ڨيت مديكا" أحد قطاعات الشركة الدولية للتبادل التجاري الحر IFT، في تصميم حملة فنية إرشادية لمربي الدواجن، مخصصة لشتاء 2020، وتفيدهم في كيفية تجهيز العنابر بعد آخر يوم من إخلائها من دورة تسمين سابقة، وذلك لاستقبال الكتاكيت في بيئة سالمة، خالية من المسببات المرضية.

وقال خبراء قطاع "ڨيت مديكا"، إن الحملة تفيد في التربية السليمة لقطعان التسمين بأمان, وتبدأ هذه الحلقات بالتطهير في عدة حلقات أيضا، فإلى الحلقة الخامسة عشرة، وهي "عمر 4 يوم":

النجاح هو أحسن حاجة ممكن تفرحنا و تخلي دايما ثقتنا في نفسنا تعلى و كمان يخلينا نطور من شغلنا عشان نفضل محافظين على نجاحنا......

دايما نخلي في دماغنا ان أول مفاتيح النجاح في مشروع انتاج الدواجن هو الأمن الحيوي (حائط الصد الأول ضد المسببات المرضية)

جدد العزيمة كل يوم انك تحافظ على الأمن الحيوي أكتر من اليوم اللي قبله

يللا بينا نتابع مزرعتنا.....

متابعةالأمنالحيوي

- ممنوع الزيارات للمزرعة و لو في زيارة للضرورة القصوى و هتتطبق اجرائات الأمن الحيوي اللي داخل يستحمى و يلبس اللبس المخصص للمزرعة و يسيب متعلقاته بره

- على اتفاقنا ان أي معدات أو أدوات هتدخل المزرعة و خصوصا الانابيب هتتغسل و هتتطهر ب مطهر ڨيركون اس

- نأكد على النظافة الخارجية للمزرعة و نظافة حول العنابر و ان مفيش مياه أو علف عشان مفيش طيور تنزل المزرعة

- مغاطس العربيات و الأقدام متفعلة و مليانة ب مطهر فارمفلويداس (مطهر المهام الشاقة) بمعدل اضافة 5سم/لتر الماء و من مميزات فارم فلويد اس انه بيتغير كل 5 أيام مش محتاج تغيره كل يوم, عشان لو في أي مسبب مرضي في الحذاء يعمله تغليف كامل و يقضي عليه و مايدخلش عنبرنا

- احواض او مساقي غسيل اليد قبل دخول العنابر مليانة بيوسيد30 أقوى مطهر يود موجود في مصر

- العمال و المشرفين لابسين اللبس المخصص للعنابر

- نبتدي نرش السلالم بمطهر ڨيركون اس بمعدل اضافة 5جم/لتر الماء و نخلي الموضوع دا ثابت معانا

- متابعة المياه و العلف و سقوة أڨيبوست تونيك

ندخل عنبرنا ننضف العلافات و نشيل منها النشارة و ناخد بالنا لو العلافات متجمع فيها زرق كتير دا معناه ان العلافات بتفضى عشان كدا الكتاكيت بتقف و تنزل الزرق عليها لكن طول ما العلافات مليانة علف الكتكوت مش هيعمل زرق فيها

نغسل المساقي بمياه بيضا و ننزل جرعة أڨيبوست تونيك 2سم/لتر الماء 8 ساعات, انهارده رابع يوم لسه فاضل بكره كمان في أفيبوست تونيك عشان تقدر تقول انك عديت فترة تحضين ممتازة بأقوى نتائج ان شاء الله

لو حابب تاخد عينة عشوائية تتطمن عالوزن فمتوسط وزن اليوم الرابع 106 جرام تقريبا

- متابعة التهوية و الحرارة و الرطوبة النسبية

انهارده درجة الحرارة في اليوم الرابع 31 و الرطوبة النسبية نفضل محافظين عليها ولا تعلى ولا تنزل 60:70% و بالنسبة للتهوية هنتكلم عنها انهارده بالتفصيل

تهوية عنابر الدواجن

قبل مانقول هنحسب التهوية ازاي لازم نعرف ايه الهدف من التهوية و احنا ليه لازم نظبطها

بص يا سيدي الحكاية اسمها صناعة الدواجن يعني الفرخة دي عبارة عن مصنع و عشان المصنع دا ينتج كويس من غير اعطال لازم يكون في مدخلات كويسة للانتاج اللي هي مياه نظيفة و علف جيد و جو نظيف فيه اكسجين عشان يشغل الماتور اللي جوا

يبقى هدف التهوية هو

1- اني ادخل هواء نظيف للعنبر محمل بالاكسجين

2- التخلص من بخار المياه الزيادة الناتج من التنفس و تبخير محتويات الفرشة

3- التخلص من الغازات الضارة (أول و ثاني اكسيد الكربون و الامونيا)

طب انا عندي نوعين من التهوية التهوية الطبيعية و التهوية عن طريق الشفاطات و اللي بتنقسم لتهوية طولية و تهوية عرضية

في التهوية الطبيعية مفيش مقاييس تقدر تحكمني غير حالة الفراخ و العنبر و الجو الخارجي و بتكون عن طريق اننا بنفتح الشبابيك البحري و الشبابيك القبلي و الفتحات بتكون على حسب العمر و حرارة الهواء خارج العنبر بس في الاخر بتطمن اني بهوي صح من شوية علامات اهمها ان احنا شخصيا نكون واقفين جوا العنبر بنتنفس بشكل طبيعي و مفيش بخار أو غبار جوا العنبر

طب التهوية الطولية نظبطها ازاي

عندك 3 معطيات

- متوسط الوزن وعدد الطيور في العنبر

- كمية الهوا اللي محتاج تدخلها جوا العنبر و دا على حسب احنا شغالين على التهوية الدنيا اللي هي اقل كمية هواء تدخل العنبر ولا التهوية القصوى

- قدرة مراوح الشفط اللي عندنا في العنابر و دي بتختلف على حسب نوع الشفاط و عمره و السير مشدود ولا لأ

ناخد مثال

- عندنا عنبر فيه 10,000 طائر متوسط الوزن 106 جرام للكتكوت

- كمية الهواء اللي محتاجها في التهوية الدنيا (عشان احنا في شتاء) 2 متر مكعب هواء في الساعة لكل كيلو جرام لحم في العنبر

- قدرة الشفاط 33,000 متر مكعب هواء في الساعة (هنحسبها على 30,000 عشان العوامل اللي قلنا عليها)

محتاجين نشغل كام شفاط؟

1- كمية اللحم الموجودة في العنبر 10,000 طائر × 0.106جرام متوسط وزن الطائر = 1060 كجم لحم

2- كمية الهواء 2 متر مكعب هواء لكل كيلو جرام في الساعة

1060 كجم × 2 متر مكعب هواء = 2120 متر مكعب هواء

3- نحسبها على قدرة المروحة

2120 متر مكعب هواء اللي محتاجينهم ÷ 30,000 قدرة المروحة = 0.07

المطلوب 0.07 من قوة الشفاط

 

طب نحول الرقم دا لوقت نشتغل بيه يبقى

0.07 × 60 ثانية (دقيقة كاملة) = 4.2 ثانية

تقريبا 5 ثواني

يعني في الدقيقة الواحدة المفروض اشغل الشفاط 5 ثواني و افصله 55 ثانية

و طبعا ال 5 ثواني مش هلحق ادخل فيهم هواء للعنبر لان المروحة مش هتلحق تشتغل اصلا

ف بضرب زمن التشغيل و زمن الفصل في معامل ثابت 5

يعني محتاج أشغل الشفاط 25 ثانية و يتفصل 275 ثانية

و أخيرا انا بحكم على التهوية ب

- الطيور منتشرة بشكل جيد في العنبر

- لما نقف في وسط العنبر نكون بنتنفس بشكل طبيعي

- مفيش بخار ماء ولا غبار في العنبر

- مفيش ريحة امونيا

نتقابل البوست الجاي في

يوميات مربي دواجن

شتاء