”عمر 5 يوم” .. الخطوة 16 من حملة ”ڨيت مديكا” .. يوميات مربي دواجن ـ شتاء 2020

نجح قطاع "ڨيت مديكا" أحد قطاعات الشركة الدولية للتبادل التجاري الحر IFT، في تصميم حملة فنية إرشادية لمربي الدواجن، مخصصة لشتاء 2020، وتفيدهم في كيفية تجهيز العنابر بعد آخر يوم من إخلائها من دورة تسمين سابقة، وذلك لاستقبال الكتاكيت في بيئة سالمة، خالية من المسببات المرضية.

وقال خبراء قطاع "ڨيت مديكا"، إن الحملة تفيد في التربية السليمة لقطعان التسمين بأمان, وتبدأ هذه الحلقات بالتطهير في عدة حلقات أيضا، فإلى الحلقة السادسة عشرة، وهي "عمر 5 يوم":

النجاح سلم مستحيل نطلعه و احنا ايدينا في جيوبنا

يللا بينا نبتدي يوم جديد و ننزل مزرعتنا نتابعها و احنا على عهدنا اننا متمسكين بالأمن الحيوي و اهتمامنا بيه بيزيدأكثر و عايزين و احنا بنخلص الدورة تكون المزرعة أقوى في أمانها الحيوي من البداية

- متابعة الأمن الحيوي.....

- ماتجاملش حد على حساب أمن مزرعتك الحيوي... ممنوع الزيارات للمزرعة و لو في زيارة تبقى للضرورة القصوى و هتتطبق كل اجرائات الأمن الحيوي اللي داخل يستحمى و يلبس اللبس المخصص للمزرعة و يسيب متعلقاته بره

- ناخد بالنا ضروري ان كل المعدات أو الأدوات اللي هتدخل المزرعة و خصوصا الانابيب هتتغسل و هتتطهر ب مطهر ڨيركون اس

- النظافة الخارجية للمزرعة و نظافة حول العنابر و ان مفيش مياه أو علف عشان مفيش طيور تنزل المزرعة

- مغاطس العربيات و الأقدام متفعلة و مليانة ب مطهر فارمفلويداس (مطهر المهام الشاقة) بمعدل اضافة 5سم/لتر الماء فارم فلويد اس عبارة عن فينولات مخلقة + مادة غروية عشان تلزق على السطح اللي بتلامسه و تغلفه تغليف كامل يعني وجود فارم فلويد اس في المغاطس بيعزل الحذاء أو كاوتش العربية عن أرض المزرعة و يطهره تماما

- احواض او مساقي غسيل اليد قبل دخول العنابر مليانة بيوسيد30 أقوى مطهر يود موجود في مصر, أعلى تركيز من اليود الحر و زمن تلامس سريع

- العمال و المشرفين لابسين اللبس المخصص للعنابر

- نرش السلالم بمطهر ڨيركون اس بمعدل اضافة 5جم/لتر الماء

- متابعة المياه و العلف و سقوة أڨيبوست تونيك

ننضف العلافات و نشيل منها النشارة و نزود العلف الجديد .... استهلاك العلف في اليوم الخامس 27كجم/1000طائر

جزء من الحفاظ على امن عنبرنا الحيوي هو غسيل المساقي,,, نغسل المساقي بمياه بيضاء و ننزل جرعة أڨيبوست تونيك 2سم/لتر الماء 8 ساعات و بأتمام اليوم الخامس مع أفيبوست تونيك تقدر تقول انك عديت فترة تحضين موفقة ان شاء الله و هنشوف دا في أوزان أول اسبوع و حيوية الطيور

لو حابب تاخد عينة عشوائية تتطمن عالوزن فمتوسط وزن اليوم الخامس 128 جرام تقريبا

- متابعة التهوية و الحرارة و الرطوبة النسبية

انهارده درجة الحرارة في اليوم الخامس 30.7

التهوية هنحط الرابط بتاعها في أول تعليق عشان نراجع معلوماتنا و انهارده هنتكلم بالتفصيل عن جودة الهواء في عنابر الدواجن و ازاي نقيسها

الرطوبة النسبية ممكن نبتدي تنزلها انهارده عشان الفرشة ماترطبش مننا

جودة الهواء في عنابرالدواجن

قبل مانتكلم عن جودة الهواء نعرف احنا ليه بنأكد عليها و ليه هي مهمة جدا

الجهاز التنفسي لفرخة التسمين هو الموتور اللي بيشغل الفرخة و جودة الهواء بتتحدد من خلال نسب الغازات اللي موجودة في العنبر و اللي الفراخ بتستنشقها طول اليوم و أهم الغازات الموجودة في العنبر

الامونيا في عنابر الدواجن:

الحد الأقصى لنسبة الامونيا في العنبر ماينفعش تزيد عن 20 جزء في المليون , لو زادت بتبدأ أهداب القصبة الهوائية تتكسر و بتفتح الباب لكل الفيروسات انها تدخل للطائر و بيقل معدل النمو و اداء الطائر

ثاني اكسيدالكربون في عنابر الدواجن:

الحد المسموح بيه 3500 جزء في المليون لو زاد بيعمل مشاكل استسقاء

أول أكسيد الكربون في عنابر الدواجن:

الحد المسموح 100 جزء في المليون و لو زاد عن كدا بيعمل تسمم أول أكسيد الكربون في الدم و دا لأنه بيرتبط بال هيموجلوبين في الدم فالدم مايقدرش يشيل أكسجين

الاكسجين في عنابر الدواجن: نسبته المثلى 21% كل ما تقل النسبة دي كل لما الماتور بيعطل و الطائر مابيحولش كويس و السردة هتبقى كتير

الفورمالين: اي متبقيات من غاز الفورمالين عند استقبال الكتاكيت بتساعد في التدمير المبكر للجهاز التنفسي للكتكوت فلازم تهوي عنبرك كويس جدا لو هتستعمل الفورمالين فى التطهير.

طب احنا دلوقتي عرفنا النسب في البوست... ازاي نعرفها في عنابرنا و نطبق الكلام دا عشان نوصل للمعدلات المظبوطة ؟؟؟؟

ڨيتميديكا بنوفر خدمات الدعم الحقلي لعملائنا و نساعدهم عن طريق فريق الدعم الفني:

فريق BIO Management

فريق من الاطباء البيطريين و المهندسين الزراعيين المتخصصين في الدعم الحقلي في مجال صحة الحيوان وعن طريق مجموعة من الاجهزة المتطورة هنساعدك انك تعرف المعدلات دي في مزرعتك و كمان هنديك النصيحة لو في اي خلل في اي عامل من العوامل اللي قلنا عليها في العنبر

نتقابل البوست الجاي في

يوميات مربي دواجن

شتاء