أنسب طريقة لمكافحة الحشرات بدون متبقيات مبيدات

س: ما أنسب مبيد لرش الأشجار حاليا بدون الإضرار بالتزهير؟

ج: أرخص مبيد .. لمبادا أو ديازينون

- كنا بحنقن إيميدا كولبرايد في أول التزهير قبل حوالي 3 سنين، لكن سعره حاليا يخلينا نقول للي بيستوردوه.. بلوه واشربوه.

- تكاليف الإنتاج الأيام دي تخلينا لازم نحسبها ونفكر فيها ألف مرة.

ويا ريت كل المزارعين يعرفوا طريق ال "داي أمونيوم فوسفات": شركة الجمهورية للكيماويات (لها فروع في كل محافظات مصر)، وشركة "تكنو جين" - (الدقي - جيزة).

- الكيلو بحوالي 400 جنيه

- تدوب 300 جم فقط على 100 لتر ماء، وتغليه المحلول في جزاكن محكمة الغلق.

- اشتري قوارير مياه صغيرة فارغة من أي مكان (من كافيهات الطرق السريعة)، وعبي في كل قارورة 20 سم مكعب محلول، وخللي عمالك يعملوا فيها 4 فتحات في محيطها العلوي اللي بعد الغطاء، بعد التعبئة، وخليهم يعلقوها في الأشجار.

- خللي التعليق بحيث تكون القارورة في دائرة قطرها 30 متر

يعني هاتلاقي التعليق على مسافات 30 في 30، يعني 900 متر مربع.

- يعني الفدان 4200 متر مربع على 900 = 4.6 قارورة، يعني 5 للفدان، بواحد لتر محلول، فيه 3 جرام مادة فعالة ب 120 قرش.

* احسبها كدا، وشوف انت وفرت أد إيه؟

- ال 100 لتر ماء اللي فيهم 300 جم مادة فعالة (حوالي 120 جنيه)، يعملوا 500 قارورة

- 500 قارورة على 5 للفدان = 100 فدان … يعني 120 قرش للفدان + تمن 5 قوارير فارغة

- يا أخي كررها مرة كل 15 يوم بلاش كل شهر

- يعني تخلي العمال يعبوا القوارير مرة كل 15 يوم

* مش هاتلاقي حشرة ???? ???? في أرضك

** ملحوظة مهمة:

- خللي أول قارورة عند نقطة تقاطع خطين متعامدين لحدود أرضك على بعد مسافة 15 متر من كل حد)، يعني تقيس 15 متر من الحد الشرقي مثلا، وتحط علامة، وبعدين تقيس من الحد التاني 15 متر، لحد ما تلاقي العلامة الأولى، وتزرع عندها أول قارورة، وبعدها تقيس 30 متر في الاتجاهين، وتعلق المصايد تباعا، عشان المصيدة تجذب من 15 متر في الاتجاهات الأربعة.

* الهدف: إن الحد الأقصى لفعالية رائحة ال "داي أمونيوم فوسفات"، هي 15 متر فقط من الاتجاهات الأربعة، يعني كدا، تضمن عدم اجتذاب حشرات من أرض جارك لأرضك.