ازاى تنتج خضار بيتك بنفسك

ركز.....ركز....ركز......

1...تروح لاى حد بتاع خردة بلاستيك ...هاتشترى منه 50عبوة جبن بلاستيك بحوالى 500جنية.....

2...10شكاير زلط صغير ب 100جنية....وتحطهم بارتفاع 10سم داخل العبوة البلاستيك بعد ما يتم ثقبها من أسفل بعدد وافر من الثقوب....

3...متر مكعب رمل ابيض نظيف يتم ملىء العبوات لارتفاع النصف.....

4....هاتعمل خلطة زراعة تحتوى على كمبوست نباتى....فيرمى كمبوست...مخلوط اهرام ..دولوميت ...فلسبار...فحم حيوى ...وشوية هيوميك وفلفيك وطحالب...وتكمل الخلطة فى العبوة....

5...تنزل السبتية وتشترى لفة خرطوم 50 م gr...40سم.......وتفرد الخرطوم ..على العبوات بحيث كل نقاط جى ار....يقوم بالتنقيط داخل العبوة البلاستيك....ويتم وضع بداية الخرطوم فى اقرب صنبور مياة....يعنى سيادتك تفتح الماء لمدة ساعة هاينزل حوالى 4ليتر ماء...حلوين قوى وبدون تعريف ....ودى اسمها السعة الحقلية يعنى النبات مش عايز اكتر من كده...وممكن تفرش قطعة بلاستيك أسفل العبوات ولو أن مش هيكون فيه مياة اصلا...

6...نقوم بإجراء عملية الرى عدة مرات بدون زراعة ....يعنى عملية بنقول عليها مصطلح التطفية......

7...الدنيا بقيت جميلة ...تروح داخل الزراعات المحمية بالدقى يوجد مشتل خصروات متنوعة ...ها تشترى 50شتلة متنوعة ب 50جنية ....

8...هاتقوم بزراعة الشتلات داخل العبوات....كده انت خلصت ....فاضل رعاية النباتات ...وطرق المكافحة

...نسيت اضيف عايز قطعة شادونيت تغطى بيها العبوات على ارتفاع متر علشان العصافير هاتستلمك.....يالا ...روحوا جربوا ...كبيرك 1500جنية ...ثمن خضار ...اسبوعين...من السوق.

………..

* ناشط زراعي

رئيس شركة مستدام للزراعة العضوية