”عمر 6 يوم” .. الخطوة 17 من حملة ”ڨيت مديكا” .. يوميات مربي دواجن ـ شتاء 2020

نجح قطاع "ڨيت مديكا" أحد قطاعات الشركة الدولية للتبادل التجاري الحر IFT، في تصميم حملة فنية إرشادية لمربي الدواجن، مخصصة لشتاء 2020، وتفيدهم في كيفية تجهيز العنابر بعد آخر يوم من إخلائها من دورة "تسمين" سابقة، وذلك لاستقبال الكتاكيت في بيئة سالمة، خالية من المسببات المرضية.

وقال خبراء قطاع "ڨيت مديكا"، إن الحملة تفيد في التربية السليمة لقطعان التسمين بأمان, وتبدأ هذه الحلقات بالتطهير في عدة حلقات أيضا، فإلى الحلقة السابعة عشرة، وهي "عمر 6 يوم":

المعطيات اللي عندنا بتقول اننا مع أفيبوست تونيك قربنا نخلص أول أسبوع بنجاح ان شاء الله و دا الاسبوع اللي بيحدد الشكل المبدئي لدورة التسمين

حضر موازينك عشان هناخد بكره عينة وزن نعرف منها شغلنا مشي ازاي

و شغلنا ماشي صح طول ما الأمن الحيوي ماشي صح و عشان كدا يللا بينا نتابع الأمن الحيوي لمزرعتنا

متابعة الأمن الحيوي

- نأكد على دخول الأشخاص و المعدات و الأدوات لازم تطهير

- على اتفاقنا ان أي معدات أو أدوات هتدخل المزرعة و خصوصا الانابيب هتتغسل و هتتطهر ب مطهر ڨيركون اس

- نأكد على النظافة الخارجية للمزرعة و نظافة حول العنابر و ان مفيش طيور برية بتنزل المزرعة

- مغاطس العربيات و الأقدام متفعلة و مليانة ب مطهر فارمفلويداس (مطهر المهام الشاقة) بمعدل اضافة 5سم/لتر الماء و هو فينولات مخلقة + مادة غروية تلزق على السطح المراد تطهيره

- احواض او مساقي غسيل اليد قبل دخول العنابر مليانة بيوسيد30 أقوى مطهر يود موجود في مصر

- العمال و المشرفين لابسين اللبس المخصص للعنابر

- رش السلالم بمطهر ڨيركون اس بمعدل اضافة 5جم/لتر الماء

- لم النافق و عده أول بأول و التخلص منه بالطريقة السليمة (الدفن أو الحرق)

- متابعة المياه و العلف

غسيل المساقي بمياه بيضاء و هز العلافات و تزويدها بعلف جديد

نبتدي ننزل المساقي الجامبو عشان الكتاكيت تتعود عليها

نبتدي نسحب الكرتون المقوى اللي بنزود بيه مساحة التعليف

- متابعة الفرشة

نتابع الفرشة يوميا و أي بلل هنشيله و نحط فرشة جديدة

اوعى تخلي الفرشة تبوظ

- متابعةالتهوية والحرارة

الحرارة انهارده 30.4 درجة سليزيوس

التهوية هتلعب دور كبير معانا الفترة الجاية و قلنا علامات التهوية المظبوطة اني أقف في وسط العنبر اتنفس بأريحية بدون ما نشوف غبار ولا نحس برطوبة زيادة في العنبر

- توسيع الحجازة

انهارده اليوم السادس عندنا الوزن تقريبا 152 جرام فلازم نوسع الحجازة و دايما نسبق الكتاكيت و هي تجري ورانا لكن مانستناش لحد ما الحجازة تتزحم عشان نوسع

تحصين الطيورعن طريق الحقن

ناخد بالنا و احنا بنتكلم في طرق تحصين الطيور ان جودة تطبيق اللقاحات من أهم العوامل اللي بتساعد في الحصول على مناعات قوية من التحصين و عشان كدا ڨيت ميديكا عندنا خدمة

ڨاك برو لمتابعة تطبيق اللقاحات في المزارع عن طريق فريق من الأطباء البيطريين و المهندسين الزراعيين للأشراف على عملية التحصين في مزارع عملائنا

 

نبتدي الحكاية مع بعض

1- منع الأجهاد على الطيور ب سقوة أفيبوست تونيك أثناء التحصين عشان نمد الطيور ب كل الفيتامينات و الاملاح و الاحماض الامينية و الاحماض الدهنية و العناصر اللي محتاجينها لمنع الاجهاد

2- اخراج اللقاح من الثلاجة

في حالة اللقاحات الزيتية بنخرج التحصين من الثلاجة قبل الحقن بساعتين عشان ياخد درجة حرارة العنبر و ده سببه ان اللقاح لو درجة حرارته باردة جدا لما يدخل جسم الطائر هيعمل حوصلة و مابيتمش امتصاصه بالصورة الكاملة

3- حجازة التحصين

لازم الحجازة تكون واسعة على الطيور لأن التحصين في حد ذاته نوع من انواع الضغط فمنزدش الضغط بحجازة ضيقة

الحجازة تكون مقفولة كويس جدا و بتتراقب كل شويه أثناء التحصين

4- سنون الحقن

تكون جديدة و اخر السن معايا 2000 طائر ولازم يتغير بعدها عشان مايعملش جرح في رقبة الكتكوت و التحصين يخرج بره

5- المحاقن

لازم اكون غاسل المحاقن كويس قبل عملية التحصين و معايرها و متأكد ان الجرعة اللي بتخرجها هي الجرعة اللي عايز أوصلها للطائر و معايرة المحاقن بتتم بشكل دوري أثناء الحقن

أجهز عندي محقن احتياطي عشان لو محقن عطل يكون عندي بديل سريع

6- الكتاكيت المعرقة هي الكتاكيت اللي التحصين الزيتي نازل على رقبتها

أثناء الشغل ببعت حد يلم الكتاكيت المعرقة و أعملهم حجازة و لازم أراجع عليهم في اخر التحصين

7- متابعة المياه و العلف في الحجازة و بره الحجازة عشان الطيور ماتجوعش ولا تعطش مش عايزين نزود الضغط عليها

8- مطابقة عدد الطيور المحصنة بعدد زجاجات التحصين الفارغة

لازم في اخر التحصين اطابق العدد عشان اعرف اذا كنت شغال صح ولا حصل معايا تهدير ولا الجرعة مكانتش مظبوطة او الحجازة مفتوحة

فعشان نتلاشى المفاجأة في اخر التحصين لازم طول ماحنا شغالين نأكد على كل العوامل اللي قلنا عليها

نتقابل البوست الجاي في

يوميات مربي دواجن

شتاء 2020