”عمر 18 يوم” .. الخطوة 29 من حملة ”ڨيت مديكا”.. يوميات مربي دواجن ـ شتاء 2020 تأثير جودة ماء الشرب في دورة التسمين

نجح قطاع "ڨيت مديكا" أحد قطاعات الشركة الدولية للتبادل التجاري الحر IFT، في تصميم حملة فنية إرشادية لمربي الدواجن، مخصصة لشتاء 2020، وتفيدهم في كيفية تجهيز العنابر بعد آخر يوم من إخلائها من دورة "تسمين" سابقة، وذلك لاستقبال الكتاكيت في بيئة سالمة، خالية من المسببات المرضية.

وقال خبراء قطاع "ڨيت مديكا"، إن الحملة تفيد في التربية السليمة لقطعان التسمين بأمان، وتبدأ هذه الحلقات بالتطهير في عدة حلقات أيضا، فإلى الحلقة التاسعة والعشرين، وهي "عمر 18 يوم":

3 حاجات نطمن بيهم ان مزرعتنا في أمان اليومين الجايين

- محافظين على الأمن الحيوي حائط الصد الأول ضد جميع المسببات المرضية و بنستخدم في مزرعتنا فيركون اس و فارم فلويد اس للحفاظ عالأمن الحيوي أثناء الدورة

- محافظين على الرعاية (التهوية و درجة الحرارة) و الفرشة مظبوطة ولا مرطبة ولا مبلطة

- محصنين مزرعتنا ڨولڨاك_بيست (أقوى لقاح ثنائي ضد انفلونزا الطيور و نيوكاسل الدواجن في مصر ملهاش الا البيست ) و لاسوتا جولد (الحماية و الأمان ضد النيوكاسل)

يللا بينا نتابع مزرعتنا

متابعة الأمن الحيوي للمزرعة

- قبل أي حاجة نتابعها في المزرعة لازم نأكد على الأمن الحيوي لأن دا حائط الصد الأول ضد جميع المسببات المرضية

- منع الزيارات للمزرعة الا في حالة الضرورة القصوة و اللي داخل المزرعة يتطبق عليه جميع اجرائات الأمن الحيوي من استحمام و تغيير الملابس و لبس الزي المخصص للمزرعة و ترك المتعلقات الشخصية برا المزرعة

- مغاطس السيارات و مغاطس الأقدام مليانة فارم فلويد اس بتركيز 5 سم / لتر الماء

- تطهير السكن و ملحقات العنابر أول بأول

- الرش الدوري حول العنابر فارم فلويد اس بمعدل اضافة 5 سم / لتر الماء

- التأكد من نظافة حول العنابر و ان مفيش مياه أو علف لمنع الطيور البرية من النزول لأرضية المزرعة

متابعة المياه والعلف

- دايما باستمرار عنينا على خطوط المياه سواء نبل او مساقي جامبو ميكونش في تكتيم أو تسريب نتيجة ضغط عالي و للأمان نحافظ على ضخ الخطوط و غسيل التانكات ,, متوسط استهلاك المياه في اليوم ال18 للألف طائر 174 لتر ماء في ال 24 ساعة

- ظبط ارتفاع العلافات مهم جدا عشان العلف مايتهدرش في السبلة و ندخل في مشاكل معوية دا بالأضافة لان معامل التحويل هيرفع معانا لان هيتحسب عالفراخ علف ما اكلتهوش,, متوسط استهلاك العلف في اليوم ال18 للألف طائر 93 كيلوجرام في ال 24 ساعة

- متوسط وزن الطائر عمر 18 يوم 719 جرام

متابعة الفرشة

عايزين جهاز معوي سليم و جهاز تنفسي سليم يبقى عنينا على سلامة الفرشة باستمرار ولا ترطب ولا تبلط و طبعا زي ما اتفقنا من عمر يوم مفيش تقليب للفرشة . الجزء اللي يبوظ بنشيله و نغيره بنشارة جديدة

جودة ماء الشرب

هل ممكن دورة التسمين تتأثر عشان ماء الشرب ؟ تعالى نعرف

ماء الشرب يعتبر جهاز الارسال اللي انا ببعت للفراخ فيه معظم المعاملات اليومية اللي محتاج اوصلها من ادوية لفيتامينات لتحصين لمطهرات فلوالميا فيها نسب مش مظبوطة من الاملاح او الميكروبات اكيد هتأثر عالمحتوى اللي بيوصل للفرخة

و ممكن ادي تحصين و الاقي مناعات مش مظبوطة او ادي ادوية و مابتجيبش النتيجة المرجوة منها او مرة واحدة الاقي كلية الفراخ فيها مشكلة و السبب في الاخر يرجع لقلة جودة الميه

اهم العوامل اللي بتحدد جودة الماء

الحموضةPH: النسبة المثلى من 6.5 الى 7.8

طب لو زادت عن 8 ؟ هتعمل مرارة في الطعم و تأثر على سحب الميه و كمان هتأثر على كفائة المطهرات و بعض الادوية و طبعا هتأثر على كفائة التحصينات

و لو قلت عن 5 ؟ هتعمللك مشكلة في مواسير الميا و خطوط النبل و هتسبب تاكل فيهم و هتزيد تكلفة التشغيل

الاملاح الذائبة TDS : النسبة المثلى اقل من 1000 جزء في المليون

طب اعلى من كدا تعمل ايه؟ هتعمل اسهالات طول الدورة و تأخر في النمو و ضعف في التحويل, بالاضافة لانه هتحصل مشاكل في الكلى و تفضل تصرف في غسول كلى من اول الدورة للاخر

تعداد الميكروبات في ماء الشرب

خد بالك ان الميكروبات ممكن يكون الزيادة فيها من المصدر و ممكن يكون في مشكلة في تتطهير خطوط الميا و التانكات, يعني خطوط الميا مكانتش متطهرة كويس قبل بداية الدورة و فيها طبقة من المادة العضوية من الدورات السابقة, و دا طبعا هيزود فرص الاصابة بالامراض و هيقلل كفائة الادوية اللي بنستعملها و ممكن كمان يقلل استهلاك الفراخ لماء الشرب نتيجة لتكتيم الخطوط

طب ازاي نحدد النسب دي في مزرعتنا؟

ڨيت ميديكا من خلال فريق الدعم الفني و بمساعدة اجهزة حديثة بنوفر لعملائنا قياس نسب الأملاح و المعادن و الحموضة و تصوير خطوط المياه من جوا عشان نوصل مع بعض لتحليل سليم و لو في مشكلة هنساعدك في الحل عشان نوصل لمعدلات مظبوطة.

نتقابل البوست الجاي في

يوميات مربي دواجن

شتاء 2020