البرد هيخلص قبل الليالي السود ب 12 يوم

أجدادنا في مصر القديمة اتكلموا عن البرد وسموا الفترة دي ب "أربعينية الشتاء" وهكتبهالكم بالتاريخ الميلادي عشان تعرفوها:

- ٤٠ ليلة من ٢٥ ديسمبر إلى ٢ فبراير، منقسمة إلى ٢٠ ليلة بيض و٢٠ ليلة سود.
* ‏ال ٢٠ ليلة البيض منقسمين إلى ١٠ ليال كوالح من ٢٥ ديسمبر إلى ٣ يناير ، و١٠ ليال طوالح من ٤ يناير إلى ١٣ يناير.
* أما ال ٢٠ ليلة السود منقسمين إلى ١٠ ليال موالح من ١٤ يناير إلى ٢٣ يناير ، والصوالح من ٢٤ يناير إلى ٢ فبراير .
‏- "في الليالي السود يفتح كل عود"، جدودنا كانوا بيحبوا الليالي السود لأن الدولة زراعية ودي الفترة اللي بتثبت فيها جذور الزرع في الأرض ويبدأ ينبت.
‏بعدين تيجي ١٠ ليال اسمها "العزازة" من 2 فبراير إلى ١١ فبراير، الجو بيتقلب ما بين البرد والدفا، و بعدين ٣ ليال اسمها "قرة" برد قارص و آخرها ١٤ فبراير و بكده ينتهي موسم البرد تماماً
** المصدر: جروب مستقبل الزراعة العربية